سارہ قتل کیس، ملزم شاہنواز کا دو روزہ جسمانی ریمانڈ منظور
اسلام آباد کی مقامی عدالت نے سارہ قتل کیس میں ملزم شاہنوازکا دوروزہ جسمانی ریمانڈ منظورکرلیا۔
تفصیئلات کے مطابق ڈسٹرکٹ اینڈ سیشن کورٹ اسلام آباد میں سارہ قتل کیس کی سماعت ہوئی۔
سماعت کے دوران ملزم شاہنواز کوعدالت میں پیش کیا گیا، سماعت کے دوران جج نے استفسار کیا کہ آپ کو علم ہے دفعہ 302 آپ پر لگی۔
پولیس نے عدالت کو بتایا کہ ملزم نامزد ہے برآمدگی کرنی ہے۔ عدالت سے استدعا ہے کہ ملزم شاہنواز کا دس روز کا جسمانی ریمانڈ دیا جائے۔ ملزم نے باہرسے بلوا کر بیوی کو قتل کر دیا۔
وکیل صفائی نے کہا کہ یہ قتل صرف الزام کی حد تک ہے۔
سیشن عدالت نے ملزم شاہنواز کو بخشی خانہ منتقل کردیا۔
پولیس نے مرکزی ملزم کے والدین کے وارنٹ گرفتاری کی بھی درخواست دائرکرتے ہوئے عدالے سے استدعا کی کہ شاہنواز کے والدین، ملزم کے چچا اور چچی کے وارنٹ گرفتاری جاری کیے جائیں۔
ڈسٹرکٹ اینڈ سیشن جج نے ملزم شاہنواز کا دوروزہ جسمانی ریمانڈ اور والدین کے وارنٹ گرفتاری کی درخواست منظورکرلی۔
سماعت کے دوران تفتیشی افسر نے عدالت سے کہا کہ ہمیں ملزم شاہنوازکے فنگر پرنٹ کروانا ہے۔ فنگر پرنٹس کے نمونے چاہییں جس پر جج نے ریمارکس دیے کہ فنگر پرنٹس تو نادرہ سے بھی لیے جا سکتے ہیں۔
اسلام آباد کی مقامی عدالت نے فنگرپرنٹس لینے کی درخواست مسترد کردی۔
واضح رہے کہ ملزم شاہنواز پرالزام ہے کہ اس نے گزشتہ روز اپنی بیوی سارہ کو قتل کیا تھا۔
No comments: