پولیس کی یونیفارم پہن کر ٹک ٹاک بنانے والا جوڑا گرفتار

 راولپنڈی پولیس نے جعلی پولیس اہلکار میاں بیوی کو گرفتار کرلیا ہے

۔ راولپنڈی کے علاقے گنج منڈی سے تعلق رکھنے والے میاں بیوی پولیس کی یونیفارم پہن کر خود کو حاضر سروس پولیس اہلکار ظاہر کرتے اور مشہور ویڈیو شیئرنگ موبائل ایپلیکیشن ٹک ٹاک پر ویڈیوز بنایا کرتے تھے۔

ٹک ٹاک ویڈیوز وائرل ہونے پر راولپنڈی کے سی پی او آفس میڈیا سیل نے محمد بلال اور عنیزہ گوہر کو گرفتار کرلیا ہے، ایس پی راول رائے مظہر کی ہدایات پر سٹی تھانے نے دونوں کے خلاف مقدمہ درج کردیا  ہے۔ پولیس کے مطابق عنیزہ خود کو راولپنڈی کی اڈیالہ جیل کا اہلکار ظاہر کرتی تھی، ملزمان کے قبضے پولیس یونیفارم، لیپ ٹاپ، موبائل فونز وغیر ہ برآمد کرکے تفتیش شروع کردی ہے۔